پاکستانی تولگانی گډیین دولایگ مان بلوچستانا ستارپردلی

دیمترا انشاالله بلوچستان شه چیر دستییاهلاس بیت و مچی په وتی سر و چم آجو، سیکولار، دموکراتیکین بلوچستانی جوړ بوهگی گواه بینت، بلوچستانی که نیکین و شرین همپلی په نیکین و شرین همپلان بیت.

سراشه مچان هزاران سلام وشاباش آ بلوچین پس وماس وآکهولان که ایماندار،پهک ومزاربیمین بچان رودینتگ وگون دودستان وتی بلوچستانی آجوییادیمحونی دات ،بی اوشماردروت ومرهباانت آ بی درورین بلوچ بچا که وتی شهتین زندوکیمتیین ورناییاپه بلوچ کئومی آجوی ،ازت وآبروی هاتراندرکرت.

بلوچستان پاکستانی صداچیل وچارانت،۱۹۴۷ودی بوهگی سالی جونی سیاوتی آجوییاجار کرت همی سالی اگستی ۱۳ گون پوجی و گیری پوجیپن پروای برچم دارگا شاده گپت و شه برتانیه پدروکی کرته دو کوټه ئین پارلمنتی به دارالعوام و دارالخواص ناماپچ کرت.

۱۹۴۸سالی مارچی گډسرا پاکستان آئیراچیردست کرت که بلوچ ای روچا یوم سیا جارکرتنت و هر سال سیاهین چیدگ به همی رو چابال کارنت ووتی باسکاناگون سیاهین چیتان بندنت که ایش آوانی سوگاد راکنت و شه هما روچا پاکستانی هلاپی پاد آیگ بنابوتگیت که یکی شه بلوچانی بازنامیین جمبگان آپادآیگ انت که ودی بوهگی ۱۹۷۳ سالابنایوت و تا ۱۹۷۷رهدگ ات که پاکستانی ۸۸ هزار پوجی و بلوچانی ۵۵هزار گوریلاگون وت دیم په دیمی کرتنت و پاکستانی پوجی نتوانتنت که بلوچانا پروش بدینت.
شه ایشی که ایرانی شاه شه بلوچانی آجویی آهسرا ترس داشت و تی هاسین گارداهور گون کوبرای هلیکوپتر و دیماشتگین مړوکین بالی گراب چو میراژ وفا نتومانا په بلوچانی سرکټ کنگا و پاکستانی پوجی پلامرزییارهدات و پدوارگ به پرویز مشرپی حکومتی دورو باریگا بلوچانی آجویی لوټګ واک گپت و گون ها سین نزمی بلوچانی رکاینگی راهی گام جنوک بوت که ۲۰۰۶ودی بوهگی سالا گون پنجاپیانی بدین دیما گرگاډوک وارت، آهسر ی ایش بوت که جمهوری وتن پارټیی رهدربرو بلوچانی شهیدانی سربراه اکبر بگتی هورگون وتی لهتین سنگتان بم گوار یی چیراگپتگ بوتنت و تا که شهید بوتنت و بری مړگا ۲۲۶۰بلوچ اړبوتنت که شه وتی میتکا در بنت تا که شه بمگوارییا برکنت.
ایشین لیگل ریسورس سنټر Asian Legal Recourse Center رپوټردات که ودی بوهگی ۲۰۰۱ـ ۲۰۰۵ سالان آیوکابه پوجیین آپریشنان ۱۴ هزار بلوچ کشگ بوت.
رنداشه ۲۰۰۵ و سالا پاکستا نی واکدار پیسله کرتنت که بلوچانی مزن و کماشانا گم و گار بکننت، رنداشه اکبر بگتی میر بالاچ مری که شه ورنایین سروگان و بلوچی آجویی لشکری کماشان ات شه (Special Security Grad) نیمگا شهید بود و پاکستانی سرکار جینگ، گرنچگ، کشگ و هاشا بوهگی دیماگرگاوتی کرت.
بلوچانی بازین نرین و مادگین سیاست زانت وسرپدین مهلوک سرا جیینگ بنت، چیرین جاگهان ساتتگ بنت، سزا گندنت و رندا گم و گار بنت و درگتی که آوانی کهول واکدارانییا رونت ووتی زیان بود انی سوجا گرنت، آوان ها شاکننت که امییانه ونت، آ اوگانستانا شتگنت، بیت که آربیین اماراتا بینت .
۲۰۰۸ و سالی گډ سرامان بلوچستان کمیسونی په ژیان بوتین سیاست زانتانی پدوردی ودی کنگا جوړ بوت و په هکیکتی ودی کنگا اولی گام چست بوت مگه باز زوتی گون پوجی و چوگولین واکانی بدین کئر دادیم په دیم بوت تاکه ۲۰۰۹و اپریلی ۳ئا همی کمسیونی سدر و باسک چو :
۱ـ میر غلام محمد بلوچ بلوچ نشنل مومنتی رهدربر
۲ـ شیر محمد بلوچ یکی شه جمهوری وتن پارتیی مزنان
۳ـ میر لالا منیر بلوچ بلوچ نشنل مومنتی باسک
جیینتگ بوته و رندالشیش به تربت دیکانی تهاشه هلیکوپترا جالگا دور داتنت رنا حبیب جالب یکی دگه شه بلوچانی لیدران شهید بوت و ای وړا ای سیریال انگته رهدگنت.۷۷۷۷۷۷۷۷۷
بری گډیین دور و باریگا بلوچ آجویی لشکری هلگار به پاکستانی امنیتیین واکانی بنجاهانی سراگیش بوتگیت چوکه امبرانیین جدی۲۸ئا مان بلوچستانی موساخیلی ولسوالیی

سیمسری پوجی نیپادی سراهلمه بوت که ۱۳ پوجی کشگ بوت، گوستگین سالی نومبری ماها بلوچانی آجویی لشکر به سیم سری پوجیین کاروانی سرا هلگار کرتنت و آوانی ۴۰ مردما کشتنت وای هلمه به موساخیل و چمالنگ که که کوله یی مزنیین کان اودناانت تسر رست.
مان بلوچستانی چاغیی رکودک ،شش متر بلوچی نیپادی چیرا، جهانی سهوری پنچمین مزنین کان کپتگیت، بریبرگون زانت کارانی هبران ،۱۰۴میلیارد دالر ارزشتی انت وای کان دیمی روکپتین بلوچستانا شیوگ انت، ای سهوری کشئگی هرجی کم انت و پکت رکودکی کان بیدی آی شاخلوکان دگنیای پنچمین کان انت پمیشاای کانا پنجاپی راستام شه اسلام آباد اداره کنگا انت، مسی کان هم شه ای دمئگی مسترین کانان انت و بیدی آی یورانیم، نپت وگاز و نکره یی کان پنجاپیانا هړی کرتگیت.
په بلوچانی همی پیه یی پلگا پاکستان میگا پروجکتسی پالیسیا دیم گپت و چونی سازییا بناکرت، گوادری بندرا چیناییانا دات وتیابی مزنین سړکی جوړکنگا که شه کراچی بناو تا روکپتین بلوچستانارسیت و های وی (High way) پروجکتسن یات بیت دستی سراگپت.
بلوچیین مجاهد تالا بانی هلاپا که به دینی ناما جوهد کننت په وتی آجوییابریبرگون و تی ملیین اکیده و باورا جد و چوهد دارنت، بلوچانی آجویی لشکری مکسدودتلواسگ آجو، سربرزی و مزنین بلوچستانی جوړ کنگ انت.
مروچی نامدار و بی نامین شهیدانی راها نواب خیر بخش مری، عطاالله مینگل، ثناالله بلوچ، میر سلیمان داود، میر براهمداغ بگتی، هیربیارمری، اختر مینگل، گزین مری احمر مستی خان و دگه روگا انت پرچی که بلوچانی آجویی شه داتگین هونان گشتر کیمت داریت سری آی که دگه شهیدین بلوچ چو مولوک، دادشا، رحیم زردکوهی، بیبگرزرد کوهی، عبدالمالک ریگی، یعقوب مهرنهاد، مولوی عبدال مالک ملا زاده و دگر انی هون هورگون آوان گیش بیت.
ای توپیرنداریت که بلوچ گجا انت مگه نیت داریت و اراده کرتگیت که گون وتی هونا آجویی آ نیالاشرییابرودینیت که تج جتگیت درگتی که پارسی ملا و پنجاپییانی سروگ مان اسلام آباد مچ بنت و بلوچانی آجویی لوټگی سرکټ کنگا دیما گرنت و جخت کننت که یکی آدگری دستا گرنت و گرونچنت دلیلی نه انت که بلوچانی رهدربرومزن هم یکی آدگراگون به یکویی و تپاکی راها که آهسری بلوچستانی آجویی انت هورمبنت.
امریکای هورین ایالت شه ایشی که مان بلوچستانابنیادمانی هک پادموشه بیت و چیر بلوچ جیینتگ بنت و کشک بنت وتی جهولین دلپدردییا سهراکرتگیت وای هبرابانک ویکتوریا نیولیند امریکایی ډنی کارانی وزارتی سپیکر جنوری ۱۵مان پرس کانفرنس به واشنگتن روش کرته گیش کرت :
« اما بنیادمانی هکانی پادموش کنگی سراسکان دلگوشئن و گون پاکستانی واکداران گپ کرتگن که په بلوچستانی مسئله یی هلاینگا آچ دلاگپ و ترانا بنابکنت تاکه سکی گار بیت » آبه یک سوجی شه هوالکاری نیمگایات بوت که پاکستانی پوج بلوچانی نبیرگا گارکنان انت پرچی امریکا ایدنانادلگوش انت و دست مان ندنت؟ گشت :
«جوانین سوجی پمیشا اما مروچی نزآتگن و همی هبری سرا تران کنن ( آی گیش کرت) امریکا شه بلوچستانی نونین ناوړین هالتان ناوش انت وهاس آی اس آی کستین کشگ، چیریین زیان بود و بنیادمانی هکان پادموش کنگ».
چاروک باور دارنت که مان بلوچستانا شه سوریه، لیبی و دگنیای دگه ملکان گشتر بنیادمانی هک لگتمال بیت،ایدنا بلوچ گرنچتگ بنت ، جینتگ بنت مگه جهانیین راج سری شرییا دلگوش نه انت امریکای متهدیین ایالاتی سفیر کمیرون مونترمان کراچی گون شخصین تی وی یی به ایکسپرس نیوزی ناما به گپ و ترانی که فبروریی ۱۳ روچا داشت بلوچستانی باروگشت : « ایش روش و درایین هکیکتی انت که مان بلوچستانا بنیادمانی هک پادموش بیت، اما نه آیوکاهمی وړی کارانی سراکه مان بلوچستانا ډوگ وارت بلکین مان دگنیای دگه دمگان هم وتی زارگینییا دراکنن و په ای بارواگون پاکستانی سرکارا را بته دارن».
آهسرا بلوچانی امیتی در چک پهل کرت و بلوچانی آجویی بام اسپیتی کرت و بنیادمانی هکانی پادموش کنگی نزینک گار بوهان انت و آجویی لوټوکین بلوچی کوکار شه سیم و سرهدا گوست و آنگو دورا، زری آشکا و ترارسینت و جگر سندین تواریش نه آیوکا امریکایی اشکتنت بلکین آی توار گون کانگرسی لودسپیکر ابرزتر بوت و به د گنیای مهلوکانی گوشان پروشت.
اولین وار آجویی لوټوکین بلوچانی په جایین لوټگانی پلامرز دانا رورا باکر امریکای کانگرسی ډنی کارانی کمیته باسک ات و مان کمیته رازی ای مسئله پیش کرت لهتین بلوچ و دگه سرین بندش هم بهر زرته تنت. ای هبری مړایین یات کنوک و خاس باکری منت وار هر بلوچی انت ووتی و شنودییا و گل و بالاسهرا کنت، همی نون که به بلوچستانی آسمانی کئرا آجویی گوئر بامی استار چرخ جنت من بلوچین هنر مندی راگندین که بلوچ و بنیاد مانی هکی پلامرزی مجسمه یی دروشما کیشک کنت تاکه مان باندی روشنییا به بلوچستانی چار راهی سرا او شتارینتگ وا بدمان بیت.
بری راجد پتریین گندو ننداواجه علی حسن مان پاکستان بنیادمانی هکانی کمیته یی چاروک که واشنگتنی جهمنند انت بلوچستانی بدین جاورانی سراتچکییا هبر داته و چمشانکی کرت و مان وتی رپوتا شه پاکستانی سرکار و چوگولیین جهندمیین اداره آی اس آی سونا بنیادمانی بنیاتیین هکانی سرانه دلگوشیی باروا گپ جته و اسلام آبادی سراتوارجت که بلوچانی هکامنیت.
دگه مزن و نامیین مردی که بری کمیته ئا گپ کرت واجه رالف پیتر پوجیین کارانی زانت کارات، آی امریکای آپالیسیی کمییانا که پاکستان، ای سیم و دمئگ و بلوچ و پشتونانی هکانی نیمه داریی باروا داریت تچکییا گپ جت و گیشی کرت که امریکا باید نت بریبرگون و تی کټ و مفادا چن ولانچ داشتگ بیت و شه آی کئولا پاکستان هیچبر گون امریکا راست نبوتگیت آروش ودراوتی پلامرز ییاشه بلوچانی آجویی لوتگا دراکرت.
بری مچییا شه بلوچستانی آجوی لوټوکانی سونا احمر مستی خان شه ای گامگیجی زوروک وای گند و نندی ارگنایزران منت واری کرت وای گامگیجا بود ناکین کاری به بلوچستانی آجویی لوټگی راها زانت.
رورابا کرگون وتی ای کئردا بلوچانی دلی تها په وت نیپادی ودی کرت چوکه بازین وهده یی هرکتره یی تهابه آی فیس بکی تها بلوچ و رناهانی منت واریی و شکریه یی دراکنگی کلوی نخش بوت.
بی بی سی هوالکار هارون نجفی زاده بلوچستانی هالتانی سراحمپشانکی کرته و دروشمی چوش دراکنت.
پاکستانی سرکار گون آجویی لوټوکین بلوچان دیم په دیم انت و مان کویته به بلوچستانی بنجاها سدان وتی مامور ا تنک و تالان کرتگیت و په آسانی دری هوالکارانا په کویته یی تروتاب و هالتانی چارگا ازم ندنت درگتی که اودنا بروی باز زوتی هول کنوکین چاگردی په سروچم گندی.
رنداشه پټ وپولاسرپد بیی که کم شه کم نزینکین دوسئی سالی تهی ناگتین مرک وزیان بوهگی بازین کهولی را سوگی کرته و بازین چمی په وتی از یزیرانی و اتربوهگاچم براه منتگنت.
بلوچانی ناگتین جیینگ که شه آی اس آی سونا تسررسیت بلوچانی زال و بول و زیان بودانی کهولانی باسکانا به کویته و اسلام آباتی سړکانی سراکشاینتگیت، کسی براس ،کسی پس و کسی وتی مردین زهگا زیان کرتگیت و همی نون هم مردمانی جیینگ راهدگنت.

چوکه کدیر بلوچ یکی شه " زیان بودین

 بلوچانی توار"ی سوسایتی کماشان روش کنت : " سالانی سال انت که آی اس آی زهگانا گرپتار کنت مگه کشگش ۲۰۱۰ و سالی گډ سرا بنابوت، امی زهگانا شهید کننت و رهسرا دورش دینت.
ودی بوهگی ۲۰۱۰ سالا اما ۶۳بند بند بوتگین لاشه ها و دی کرتن و ۲۰۱۱سالا ۲۶۳کاټ وکوټ بوتگین لاشه ها مان بلوچستانا دیستن ،تنیدی شه زیان بودان اما گیش شه سئی سدی

 اما ۱۴۲۱۱زیان بودین بلوچانی ناماسرکار اسپارتگن».
پاکستانی پوج هیچبر جیینتگین بلوچانی مسئولیتا کوپگان نز ورته مگه بلوچستانی آجویی لشکرسکان کارکنگا انت و پاکستانی سرکار ا غټ گنوک کرتگیت و سرکار پریشی که گون ای ورنا هان دیم په دیمی کرتگ بکنت کویته یی شا را غټ به پوجیین شاری بدلاینتگیت.
بازین بلوچی و هاس آبلوچانی کهول که سرا دستی سراگپته سلیح زرته و گون پنجابی سامراجا مړگا انت چیرشه گسابرتگ بنت و رندا لشیش که په باز بی توری کشگ بوتگنت ودی بنت، آوانی گشترین کوتی گوئر چوگیچنی گون تیران کړک کړک انت، پوستیش جتگ بوته و یا که گون کیمیاوین مواداسوچا ینتگ بوتگنت.
پاکستانی سرکار تلوسیت که وتی مردما ای وړا ریبی بدنت که گویا مان بلوچستانا در ملکی مهلوکی دست ماندیگ انت و باز وهدان گوشان پروشیت که اوگانستان و هندوستان بلوچانی مدتا کننت و اما دست آویز داران که یکی شه آوان رهمن ملک پاکستان گسویین کارانی وزیر بری گډیین وهدان گشت : " وهدیکه براهمداغ ساب مان کابل ات آوهدان آی پنچ هزار مردم مان کندهار جهمنند اتنت و مان کندهار پوجیین ټریننگ دسیتنت و اما شه پنچ گس که په آوان چمی چیرا گئرگ بوتت سهی اتن اما په ای باروا اوگانستانی جمهوریین سدر حامد کرزییا سرپدکرتن من شه آی و شنودون که ای پوجیین تریننگی کمپانی دپابست و شه وتی ای کارا اما را سهی کرت،رنداشه ای بی سرولټکین دروگاا اوگانستانی گسویین کارانی وزارتی سپیکر رهمن ملکی ای دروگانا نه منتگ و مسخره یی کرت.
ایش درا انت که نون مان بلوچستانا آجویی لوټوکین بلوچ هالتانا کنټرولی چیرا دارنت، زهگ دیم شه آی که سکولی تهاوتی کلاسان برونت پاکستانی ملیین زیملی بدلا بلوچانی ملیین ترانه وانگا انت و رندآکلاس تها رونت،

ماړییانی سرا پاکستانی بیرکی بدلا بلوچستانی پربالگین بیرک گوات وارت، مان کوچگ و بازارا ای شو ئار دیوالانی دیما لیکته بوتگنت :
جی آزات بلوچستان
مرگ په نا پاکستان
مرتگ بیت نا پاکین پوج
پنجابیون کاقبرستان - بلوچستان، بلوچستان
همی شو ئارانا مان بلوچستانا به ایف سیی دیوالانی دیما هم نبشته کرتگنت.
بلوچستانی آجویی و بلوچانی هکانی دییگی هبر که مان امریکایی کانگرسایات بوت پاکستانی سرکارا الاهوش کرتگیت پمیشا آاړ بوتنت که پاکستانی ستراتیجییا پاوگانستانی باروا شه بنیا تا بدلایننت و جهانیین راجی دیماوترا زمه دار زانتنت که گندگ کاریی دیمامااوگانستاناپونگ پریننت مگه آمشموشنت که پاکستانی کماشانی ای دروگانی سراکس باورند اریت آ هیچبر راست نه ونت، پرچی که پاکستان بازواران گشت که اسامه بن لادن آدمگا نه انت چوکه جارکرت که مان اوگانستانا انت مگه رنداشه آی که امریکایی کوماندومان پاکستان شرین امنیتیین جاگه ایبټ آباتی پوجین گارنیزیونی تها که اسلام آباد کئرا انت گم و گار کرتیت پکت رنداشه ده ما هااسامه بن لادن سئ هزارامریکایی کشوک کشگ بوت آی اس آی وتی بولدوزرانا به ای ماړیی جانا پرینت وډالینت تاکه کسی مگشیت که اسامه ایدنا ات و کشگ بوت و نا پاک ای وړاشه سیاهدیمییا برکنت.
پاکستانی چن ولانچ دارنت که گون خرمنی سری کئولی دییگا بلوچانی آجویی لوټوکین جد وجوهدا شه تچگی راهی بټگلیننت پمیشا واکدارین پیپلز پارتی چوکه گشگ بیت مزنین بهل کنگی هکما مان بلوچستانا جارکرتگیت و رنداشه چار سال واکدارییا و خاس رنداشه بلوچستانی آزاتیی هبرا که مان امریکای کانگرساسری گپ و تران بوت پام کرت و نوک چوکه کسی هینډوکی بدنت سرپدبوت که بلوچانی سرا ز لم و ز وراکی بیت پمیشا دست به ای گج و آگج پرینت و ډول ډولی دیماگرگا جارکرت.
برتانیایین روچتاک اندیپیندنت شه بلوچین سرپدانی کئولا رپوټ دات که پاکستانی امنیتیین واک بلوچین مجاهدانا گیرنت و گرنچنت.
ناپاکی امنیتیین واک بلوچ و رناهانا گرپتارکننت، دستانش بندنت و ټپنت، جیل کنوکانا ته دیرو هده گشن ساتنت، آوانا جیلانی تهارین کمره هانی تها سرشگون لکتاب کننت، وابیش گرنت، حپشین گسی تها که آیوکاوتی پا دانی سرا اوشتاتگ کننت ساتنت.
یکی شه جمهوری لوټوکانی پارټیی باسکان که ۲۰۰۵- ۲۰۰۹ ودی بوهگی سالا جیل ات گشت:
امی سرا منت بوت، اما را گرنچتنت، امی پادانی دلاسوچن بډینتنت، منی پشت زیلا چوکی کیشتنت و سری نشتنت.
بلوچانی دیما نونین پیپلز پارتی گوستگین غرنی هپتادی سالانی اولی پیپلز پارتی انت در گتی که بنیگج کنوکی ذوالفقار علی بوتو واکدارات و پاکستانی صدراعظم ات، بلوچانی سراچی بلای که نیاورت، بلوچ لیډری که گون بلوچانی وټانی کټګا به واکارسته تنت جیل بوتنت و بلوچ په آوانی پلامرزییا پاد آتنت و مان کوهسری بوتنت، ای جیړه که ۴ سال موند کرت و پاکستانی پوج نتوانت که بلوچ گوریلا ها نا پروش بدنت ایرانی ژاندارم په اسلام آبادی مدتا گون کوبرای هلیکوپتر، میراژو پانتومی بالی گراب و خاسبن گارډی رهدیگارست و هورگون پاکستانی پو جا ایرانی بلوچانی دیما جلتنت تاکه بلوچ اړ بوتنت که پدکنزنت، پدوارگ هما پارتی به بیست و یکی غرنی دومی ده یگی سرا لوټیت که بلوچانا ریبی بدنت مگه ای واری به ټیلگانی کپیت پرچی که ای سرییا بلوچ په هر وړی دیمهونی دییگا چاړ که انت ووتی و رناهیین سربراهانی رهشونییا اراده کر تگتت که به همی نونین ده یگی سالانی نیاما پنجابی ایټومین سلیح و فانتومی پونزا به هاکان موشنت ووت به دگنیای دگه آزاتین ملکانی ریسگا بوشتنت و بلوچانی سرشائر میر گل خانی نصیری ای شیر اسر دور داتگیت که شیت :
پادامنی میر بن بلوچ گردی چوبزگا
دردی منا گپیت مان دلا په تیی سبکین جزگا
تی کپتگن ډونډی سرا مچ انت گوراگ و کرکسان
سندنت و رنت گوشتان تئی تولگ چه پیم په مزگا
و بریبرگون براهمداغ بگتی یی گشگا که " من نون ایشازانین ای زلم و زور کیی که همی نون مان بلوچستانا رهدگنت، پرویز مشرفی وهده انگته نه وت، پاکستانی پیپلز پارتی چوواکدارین پارتیی هماپیشی سرکاری کشت و کوشی سیاستا دیماگپتگیت آبه وتی آگپ و ترانی بهری که گون پاکستانی ژورنالست ملک سراج کرته و رجانکی شه "پهره" بلوچیی سایتی نیمگا شینگ بوتگیت چوکه دیم شه دیما بزانت رضا یوسف گیلانی همی لوټگا که چنت روچ دیما وتی تیارییا په گپ و هبراگون بلوچ لیډران جارکرت چوش دات :
" اما نه شه پاکستانا چیزی تومادارن ونه دا دو دهشت دارن، امی اشتاتگی ایشنت که اسلام آباد ( پاکستان) امی لوگی سراهلگار کرتگیت و مئی سرډگارا گون وتی پوجی ژوران سریی تیگا چیز دست کرتگیت و به وت لچینتگیت، نون ماشه پاکستان لوټگاون که شه امی گلزمینا دربیت و ما را آجو بزانت".
مروچی چه شور آوگی که واکدارین پارتی یعنی پاکستانی پیپلز پارتيی تها نه کپته، آوانی کورت په لهتین زیان بودین پنجابییا سکین تلواسگ و جست و جییی را بنا کرتگیت و رنداشه و دی کنگش پرسانی دیما چنت گل و بالین کهولا په ندارگا اوشتا رینت همی در گتاشه ۱۴۲۱۱بلوچین کهولانی هالتا که په وتی از یزان چم درد گردوک انت و گوش به ډاینگا انت که چیزی با رویش بشکیننت هورکین یاتی هم نبوت.
پاکستانی سنای دیوان کمیسیونی شه سناتوران در گیت و بلوچستانا رهدات تا که بلوچستانی هالتا ناشه نزینکا بچاریت و شه بلوچستانا پاک و درایین دروشمی په سناتوران بکشیت، ای کمیسیونی سدر افراسیاب خټک رنداشه بلوچستانی تروتا با گشت : " ایدنا بنیادمانی هک سکان پادموش بوتگیت وړ وړی زور زیاتی بوتگیت و همی نون هم رهدگنت مگه شه مچان گشتر بیران بوتگین لاشه انت که زارگینی وړانت و ایش بلوچستانی نونین مزنین سکی انت " آی گیش کرت : " مهلوک ای بدین املی ذمه وار آی اس آی زاننت، اگه هکومت ای هبرا اسپیت مکنت بدین پدو گډی گواه بیین، من شه سرکارا لوټین که وتی چوگولین دستگاها کنټرول بکنت و گیش شه ایشی بلوچستانی هالتانا حپست وایرمکنت".
همی کمیسیون کبول کرت که بلوچ ورنا جیینتگ بنت و رندا بیران بوتگین لشش پټانی تهاودی بنت.
نشنل عوامی پارتیی با سک سناتور زاهد خان گشت : " بلوچستانی نونین هالت درا کنت که ایدنا دگه روکپتین پاکستانی که آهسری بنگلادیش بوت کم کم وتی درو شما دراکنت".
نون چه محشر که مان پاکستانا برپانبوتگیت وواب شه واکدارانی چماگون آزاتین بلوچستانی کوکاران پرتیگیت رپد به رید پاکستانی دستگاهانی ایرادانی توار چست بیت و نون مان آملکاشه پارلمنت و حکومتی گپته تاډنی کاران، گسویین کارانی وزارت و صدارتی مچی سوگی انت، چوکه پاکستانی سرا بزین خسوفی ایرآتگیت انگته آزاتین بلوچستانی سونامی به را ها انت و مازی شمولی اید نارستگیت بلی پاکستانی بنیا تاجسکینتگیت انگته مزنین پروش و سوگ دیما انت.
پاکستانی سرکار پیشی و هدان هم شه آزاتی لوټوکین بلوچان ،نه گندین در دانگی پیماکټ گپتگیت که یکی شه ایشان عبدالمالک ریگی ات که په بر زین نیادی ایرانی آخوند انا داتگ بوت و آوان ډرامه جوړ کرتنت، پاکستان گون ای معامله گیش شه ۱.۴میلیارد ډالری نپت و گازی پروژه ای شه ایرانا گپت که شه بلوچستانا بگوازینت کاری که الما بیدی بلوچانی از ما نپوهگی انت.
رنداشه آی که امریکای وتی پلامرزییاشه بلوچستانی آجویی لوټوکان درا کر تنت پاکستانی جست و جی به دوهمپلین ملکانی تها چو ایران و اوگانستانا په ایشانی پلا مرزیی و دی کنگا واک گپت، پاکستان جارکرت که مان اوگانستانا وتی پالیسیا شه جهولانکییا بدلاینیت و نه آیو کامان اوگانستانی گسویین کاران دست مان ندنت بلکین گون اوگانستانا په سکییانی گارکنگا مدت کنت و تلوسیت که هر دو نیمگ گون وت گپ و تران بکننت وای وړاتلوسیت که پاکستانا شه اوگانستانی هالتانی کینک بوهگا برکاینیت، پمیشا قطر و سودی اربا تروتابی بوت که شه امریکای دیما اوگانانی نادینگی ابتکار ابزوریت ووترادیما پرینیت.
پاکستان تلوسیت که سری درایین اختلاپی که گون ایرانا داریت ای ملکی آخوندانا چو گوستگین غرنی هپتمیین ده یگی سالان سونی وت بکشاینیت ووتی پلار مرزش بکنت پرچی که بلوچ هر دو کین ملکانی سرکارانی سرا ایره کیت، ایش بلوچ انت که وتی کان و ډفینگ چو : سهور، نکره، مس، یورانیم، کوله، نپت و گازا کارا پریننت، ایش بلوچانی کارانت که پیسله بکننت که گوادر و اورماړه کی را بدینت، شد و پد گوادری ډگار ایکری یک غران ( یک روپیه پاکستانی) پاکستانی گداگرین جر نیل چو پرویز مشرفی سرابهانه بنت همی نون که آزاتین بلوچستانی گوئربا می زیر و ترا نشانه دنت و آجویی مسک و امبرانی بو بلوچ مجاهدانا بی سدو سار کرتگیت با هدا آنت که باندا ایدنا پنجابیی را بگندی.پمیشا انت که پاکستانی تولگ وتی گډیین نا امیتي دولایگامان بلوچانی مکیین سرډگارا بال آورتگنت، نون شه پنجاپیانی چمان واب پریته و روچ په آوان تهارین شپ بوتگیت.
آی که پلان کرتنت که رنداشه آیسافی واکانی در بوهگا آچ اوگانستانا نوکین صوبه و اوند بنت نون بگندنت که شه آی دیمترا انشاالله بلوچستان شه چیر دستییاهلاس بیت و مچی په وتی سر و چم آجو، سیکولار، دموکراتیکین بلوچستانی جوړ بوهگی گواه بینت، بلوچستانی که نیکین و شرین همپلی په نیکین و شرین همپلان بیت.