بلوچستــان ءِ پليـــں شهيــدان ءَ هـــزاراں ســـلام

بلوچ گلزميـن ، بلوچانی پاکيـں ڈيــه، مئی شهیدانی سوگیگيــں ماتی وتــن مروچـی ماں ارس ءُ هــون ءُ آس ءُ دوت انت.

بلوچ کـوم ءِ کوهيــں درداں دپتان ءِ وڑءَ جشان انت ءُ منـد ءُ پنجگورءُ کیچ ، خضدارءُ حب، کراچی ءُ بیله، اوارانءُ گوادر ءُ تمپ ، پسنی ءُ اورماڑه، نوشکی ءُ ڈالبندین ، شال ءُ کـلات، دزآپ ءُ شستــون، پهره ءُ دهوار، بنپور ءُ دشتياری، بشکرد ءُ دلگان، جاسک ءُ ميناب مـاں رستريـں پنجاپی ءُ فاشيســم پارس ءِ روک کتگيـــں آسءَ سچـان انــت. بے تمدنيـں پارس ءُ رستريـں زابلی واکدار وتی رستری کارکرداں مـاں آوارجتگيـں گلزميـن ءِ روکپتی بهر ءَ تيزتـر کتگ انــت. رستريــں پنجاپـی ءُ راج دژمنيــں پارس ءِ يکدستـی په مشترکيــں بلـوچ دژمنی ءَ سيتماتيک بوتگ. ايرانی فاشيست ءُ پاکستانی تروريستيـں واکدار که بهرے چه پٹان اِش هم گـوں وت ءَ هور ترينتـگ انت بلوچانی سرزمين ءِ مدامی زوربرد کنگ ءِ واب ءَ گندگاينت. په همے هاترا بلوچ راجی جهدکارانی شهيد کنگ آهانی يک جهتيــں سياست و کارکرد انت. چه يک نيمگـے بلوچ دژمنيــں اسلام آباد ءُ تهران ءِ انسان دژمنيـں واکداراں مشترکيــں سياسـی، فوجـی، چاروگی ءُ اقتصادی کمیٹـی ياں هسـت که بلوچ دژمنی ءُ بلوچ راج ءِ گلزمين ءِ پل ءُ پانچ آهانی وجـود ءِ دليل اَنت ءُ چه دگه نيمگے بلوچستــان ءِ آ زاتی ءِ سهريــں بیرک هـونءِ رنگ زرتگ ءُ برز ءَ انت. بلوچستــان ءِ لهتيــں میتگ ءُ دمـگ سرمچارانی دستا انت. پنجاپـی چه بلوچستـان ءَ دیم په پنجاپ تچگ انت. پاکستان ءِ شیطانی بيـرک جهل آرگ بوتگ ءُ مـاں آس ءَ سوچگ ءُ پر بیگ انــت. پاکيــں بلوچستــان ءِ کوه ءُ پٹ ءُ گنجيــں زر چه شهیدانی هونانی لهــڑءَ سهر انت. دزآپ، پهره، سرباز، واش، شال، کيچ، تربت، پنجگور، بشکرد، دشتياری، کوهستان مری ءُ کوهلــو، پیدارک ءُ مُرگاپ ءِ سهری بلوچستان ءِ آزمــان ( آسمان) هم سهر کتـگ. بلوچستــان ءُ بلــوچ کوم ءِ پليــں شهیدانـی بے گناهیءَ دگنیا زانــگ ءُ گِندگ انـت. مئی هــزاراں بیگواهيــں گهارءُ براتانی درد آوريـں چيهــالءُ کوکاراں « بانکی ـ مون » ءُ «هيلاری کلينتــن» ءُ «اوباما» هم اشکنگ انت.
دربیانيــں شهيــد غلام محمد ءُ سرمچاريــں شهید شیرمحمد ءُ مزاربیميــں
شهید لاله منیر بابای پنجگور، شهيـد مهر نهــاد، شهيـدِ سرکاروان بالاچ، بزرگيــں شهید اکبربگٹی ءُ بلوچستـانءِ تماميــں نميران ءُ پاکيــں شهیدانی سهــريــں هونانی برکــت ءَ گلزمين ءِ آزاتيــن ءُ وت مستريـں باندات نزيک بواننت ءُ بلـوچ راج ديـم په آجويی منـزلءَ گام جنـان انـت.
بلوچستــان ءِ پليــں شهيـــدان ءَ هــزاراں سلام ! پروشت ءُ پروش باتنـت ايران ءُ پاکستان
آزات ءُ آباد بـــات گنجيــــــن بلوچستــــان ۶ آپریل ۲۰۱۲ محمد کــریم بلــوچ 

Source: http://baluchistan47.blogspot.com