بلوچستان ءِ انسانی حقوق ءِ انجمن ءِ ديوان گوں نروژ ءِ وزارت خارجه ءِ نماينده ياں

بلوچستـان ءِ انسانی حقـوق ءِ انجمــن گوں وزارت خارجـه ءِ نماينـده ياں مـاں اسلـو ءَ ديوان کـرت.

ماں اے ديوان ءَ کـه نروژ ءِ وزارت خارجه ء دو کارمستــر ( انسانی حقـوق ءِ کارانی اگده دار ماں ايران ءُ پاکستان ) بهرزرتگ ات اے باروا په جوانـی مالوم کنگ بوتنــت

۱ـ آوارجتگيــں بلوچستــان ءِ تاريخ رنـد چه ۱۸۳۹ عيسايی

۲ـ بلوچستان ءِ نگيگيـں سياسی، اقتصادی ءُ اجتماعی جاوراں

۳ـ بلوچانی دستگر ءُ بندی کنگ ءُکشت ءُ کوش ماں ايران ءُ پاکستان ءَ

۴ـ تپاکيـں راجانی هوربند (سازمان ملل متحد )ءِ کمک که
ايران ءُ پاکستانی واکداران رسگ انت بلوچانی هلاپ ءَ کارمرز بنت
.
۵ـ يک ليستـے گـوں ٣٨٦ بلوچ ءِ نام که زالميـں ايرانی واکداراں ماں گوستگيں سی سال کشتگ ءُ پاهوداتگ انت
.
۶ـ بلوچ بنديگانـی نام که آهاں پاهـوءِ حکم ديگ بوتگ ءُ مـاں ايران ءِ کورچاتاں ازابانی چيرانت
.
۷ـ نوک ورنا ءُ کسان ساليـں بلوچ که ماں ايرانی کورچاتاں بنديگ انت
.
۸ـ يک ليستـے چه بلوچ بيگواه بوتگينانی نام که پاکستانی کورچاتاں بنديگ انت
.
۹ـ بلوچ نيکراهی رهنما ءُ مذهبی رهدربرانی نام که ايرانی واکداراں کشتگ انت
.
۱۰ـ بلوچ نيکراهی بزاں مذهبی رهدربرانی نام که ماں ايرانی کورچاتاں بند انت
.

۱۱ـ بلوچانی سرزمين ءِسرا دراجيـن ءُ برزيں ديوالے ءِ بندگ تنکه بلوچاں ماں رودراتکی ءُ رونشتی بهــراں چه يکدگرا جتا بکنـنـت

.
۱۲ـ بلوچانی راجی سرمايه ءُ بلوچستان ءِ کدرتی مالانی پل ءُ پانچ.

ديوان ءِ گـڈسرا انجمـن ءِ باسـک چه وزارت خارجه ءِ نماينده هاں منتواری کرت ءُ چه نروژءِ سياسی واکداراں لوٹت تنکه په انسانی حقوق ءِ پهريزگ ءُ بلوچانی رکينگ ءَ کوشست بکننـت . آ چه ايرانی ءُ پاکستانی واکـداراں به لوٹنت تنکه بلوچ کشی ءَ بند بکــن انت ءُ پدر بکننـت که هــزاراں بيگواهيــں بلــوچ ماں کجام بنديجاه ءُ کورچاتاں بند انـــت

بلوچستــان ءِ انسانــی حقــوق ءِ انجمــن ـ نروژ

يازده سپتمبــر ۲۰۱۲